चंद्रपूर, दि. 16 जानेवारी 2024: चंद्रपूर शहरातील महाकाली मंदिराजवळ राहणाऱ्या दानिश इंतेझार लवंगार (वय 22) या तरुणाचा मृतदेह जामंजठी संकुल परिसरात आज सकाळी आढळून आला. या घटनेमुळे शहरात खळबळ उडाली आहे.
दानिश काल रात्रीपासून घरी न परतल्यामुळे त्याचे कुटुंबीय चिंतेत होते. त्यांनी शहरात त्याचा शोध घेतला, परंतु त्याचा पत्ता लागला नाही. आज सकाळी त्याचा मृतदेह पठाणपुरा गेटबाहेर जमानजाठी संकुलात आढळून आला.
मृतदेहाची माहिती मिळताच शहर पोलिसांचे पथक घटनास्थळी पोहोचले. त्यांनी मृतदेह ताब्यात घेऊन रुग्णालयात नेला. शवविच्छेदनासाठी मृतदेह रवाना करण्यात आला आहे.
दानिशच्या मृत्यूबाबत त्याच्या कुटुंबियांनी अनेक प्रश्न उपस्थित केले आहेत. दानिशचा मृत्यू हा कट होता की नाही याचा तपास करण्याची मागणी कुटुंबियांनी पोलिसांकडे केली आहे. दानिशचा गौतम नगर भागातील काही मुलांशी वाद सुरू होता, त्यामुळे कुटुंबियांना संशय आला आहे.
शवविच्छेदन अहवाल आल्यानंतर दानिशच्या मृत्यूचे नेमके कारण स्पष्ट होईल, असे पोलिसांनी सांगितले. या घटनेवरून शहरात भीतीचे वातावरण निर्माण झाले आहे.
Discussion about this post