उखाण्यांच्या जुगलबंदीने रंगला सम्राट अशोक विद्यालयाचा हळदीकुंकू सोहळा.

उखाण्यांच्या जुगलबंदीने रंगला सम्राट अशोक विद्यालयाचा हळदीकुंकू सोहळा.

महिला व विद्यार्थिनींच्या समस्यांवर झाले विचार मंथन.

संजीव बडोले प्रतिनिधी.
नवेगावबांध दि.३१.
तीळ संक्रात महिलांसाठी एक उत्साहाचा सण असतो.महिला एकामेकाच्या घरी तिळगुळ घ्यायला जातात.महिला वर्गात या काळात सगळीकडे उत्साहाचे वातावरण असते.
महिलांसाठी खास असलेल्या या सणाचे औचित्य साधून नजीकच्या उमरी येथील सम्राट अशोक विद्यालयात आज दि. ३१ जानेवारी रोज शनिवारला सकाळी ९.३० वाजता विद्यालयात महिला पालक मेळावा व हळदीकुंकू कार्यक्रमाचे आयोजन करण्यात आले होते.या कार्यक्रमात महिला व विद्यार्थिनींच्या समस्यांवर विचार मंथन झाले.
उपस्थित माता पालक महिलांनी व महिला मान्यवरांनी कार्यक्रमात घेतलेल्या उखा उखाण्यांनी आजचे हळदीकुंकू कार्यक्रम गाजवले.
कार्यक्रमाच्या अध्यक्षस्थानी बोरटोला ग्रामपंचायत च्या सरपंच कुरुंदाताई वैद्य ह्या होत्या. तर प्रमुख पाहुणे म्हणून सावरटोला ग्रामपंचायतच्या उपसरपंच सुवर्णाताई तरोणे, सामाजिक कार्यकर्त्या सरिता मेश्राम, ग्रामविकास अधिकारी रजनीताई शहारे,मुख्याध्यापक एस.एस.टेंभुर्णे,ग्रामपंचायत सदस्या भारती डोये,गीता नारनवरे,उर्मिला शिवणकर,कविता चचाणे,अरुणा फुंडे,अनिता वैद्य,उज्वला नंदागवळी प्रामुख्याने उपस्थित होत्या.
प्रारंभी स्त्री शिक्षणाच्या जनक क्रांतीज्योती सावित्रीबाई फुले यांच्या प्रतिमेला पुष्पहार अर्पण करून त्यांना अभिवादन करण्यात आले.
आई आहे प्रेमळ दीर आहे हौशी, राजकुमार रावाचे नाव घेते हळदी कुंकवाच्या दिवशी. या उखाण्याने ग्रामपंचायत सदस्य भारतीय डोये यांनी आपल्या भाषणाची सुरुवात केली व कार्यक्रमात रंग भरला. त्यानंतर सामाजिक कार्यकर्त्या सरिता मेश्राम यांनी चांदीच्या ताटात निवडीत होते जवस दूधग्राम रावांचे नाव घेते हळदी कुंकवाचा दिवस.
तर सावरटोला ग्रामपंचायतच्या उपसरपंच सुवर्णाताई तरोणे यांनी,शिवाजी सारखा राजा गादीवर बसला,विजयरावांचं नाव घ्यायला आशीर्वाद असला. हा उखाणा घेऊन कार्यक्रमाचे रंगत आणखी वाढवली.
ग्रामपंचायत सदस्य कविता चचाणे यांनी हिमालयाच्या पर्वतावर बर्फाच्या राशी दादूरावांचं नाव घेते हळदी कुंकवाच्या दिवशी. तर आभार नाही मरगळ नाही वीज चमकते ढगात अंतरामजींनी साडी घेतली कीर्ती गेली जगात असा नाविन्यपूर्ण निसर्गाचा महिमा गाणारा उखाणा माझी सरपंच गीता नारनवरे यांनी घेतला. जुन्या काळात महिला धार्मिक नैसर्गिक पार्श्वभूमी असलेले उखाणे घेत असत. आता काळ बदललेला आहे बदलत्या काळानुसार पारंपारिक उखाण्यात सुद्धा आजचे आधुनिक संदर्भ घेतले जातात याचा प्रत्यय या कार्यक्रमास आला. जय भीम चा गजर जसा आहे सर्वत्र नरेशजीचा मन आहे तसा निर्मळ पवित्र असा उखाणा अनिता वैद्य यांनी घेतला. उभी होते मळ्यात नजर गेली तळ्यात मोहन चीनच्या नावाचं मंगळसूत्र माझ्या गळ्यात.तर कार्यक्रमाच्या अध्यक्ष बोरटोला ग्रामपंचायतच्या सरपंच कुरुंदा वैद्य यांनी भारतामध्ये लोकप्रिय आहे क्रिकेट,इंद्रजीतरावांची घेतली मी विकेट या उखाण्याने महिला मेळाव्यात हास्याची कारंजी उडवली.
या मान्यवरांबरोबरच माता पालक मेळाव्यात उपस्थित पालकमाता विद्या गुढेवार,मालता पाऊलझगडे,विशाखा फुंडे,सोनल झिंगरे,सीमा सोनवाणे,निशा सूर्यवंशी,प्रतीक्षा साखरे,सीमा गजबे यांनी सुद्धा उखाणे सादर करून,माता पालक मेळाव्याची व हळदीकुंकू कार्यक्रमाची शोभा वाढवली.
उपस्थित महिलांनी यावेळी आपल्या मुला-मुलींच्या शैक्षणिक समस्या कडे लक्ष द्यावे.किशोरवयीन मुलांना समजून घ्यावे,त्यांच्या अडचणी आई म्हणून नाही तर मैत्रीण म्हणून सोडवा.मुलींच्या शिक्षणात खंड पडता कामा नये.त्यांच्या नियमित अभ्यासाकडे लक्ष द्यावे.त्यांच्या शारीरिक,मानसिक समस्या सोडविण्याला प्राधान्य द्यावे.
इयत्ता दहावी-बारावीच्या परीक्षेला सामोरे जातांना आपली मुले कॉपी विरहित परीक्षा देतील याकडे सर्व मातांनी लक्ष द्यावे.असे मार्गदर्शन व आवाहन महिला मान्यवरांनी यावेळी माता पालकांना केले.
माता पालकांना विद्यालयाच्या वतीन भेटवस्तू देऊन,अल्पोपहार व चहापानानंतर मेळाव्याची सांगता झाली.
कार्यक्रमाचे प्रास्ताविक मुख्याध्यापक एस.एस.टेंभुर्णे यांनी केले.
कार्यक्रमाचे बहारदार संचालन पुनम तरोणे यांनी करून माता पालकांना बोलते करून,उपस्थितांचे आभार मानले.
कार्यक्रम यशस्वी करण्यासाठी विद्यालयातील शिक्षक एस.व्ही.बडोले, एच.एस.पात्रीकर,जे.एस.हटवार,एम.यु .घरोटे,इयत्ता ९ वीच्या विद्यार्थिनी अश्विनी राऊत,कोमल गुढेवार,भाविका दांडेकर, रिया गुढेवार,योगिता साखरे,मोहिनी गुढेवार,दुर्गेश्वरी सयाम,नंदिनी वैद्य, प्रतिज्ञा सयाम,मनीषा गुढेवार, लावण्या तरोणे,बापू पंचलवार,राकेश वालदे,गौरव चव्हाण,सीमा सोनवाणे, सोनल झिंगरे यांनी सहकार्य केले.