भीषण अपघातात २ मुलांचा करूण अंत

देवरीच्या शहारे व जांभुळकर कुटुंबावर दुखा:चा डोंगर

संजीव बडोले प्रतिनिधी/नवेगावबांध दि.१२.

काल शनिवारला (दि.११ एप्रिल) सायंकाळी ६.४५ वाजताच्या सुमारास नवेगावबांध-कोहमारा या राज्य महामार्गावर नवेगावबांध पासून एक किलोमीटर अंतरावर १४ चक्का ट्रेलर ट्रकने स्कुटीला दिलेल्या जबर धडकेत झालेल्या भीषण अपघातात दोन शाळकरी विद्यार्थ्यांचा जागीच करूण अंत झाला.तर एक महिला गंभीररित्या जखमी झाली आहे.

मृतक मुलाचे नाव अंकुर अरुण शहारे(वय १९ वर्षे) राहणार देवरी(जिल्हा गोंदिया), तर मुलीचे कु.रितिका संजय जांभुळकर (वय१२ वर्षे)राहणार चारभाटा,तालुका देवरी,जिल्हा गोंदिया,असे आहेत.

तर गंभीरपणे जखमी झालेल्या महिलेचे नाव अरुणा अरुण शहारे(वय ५० वर्षे) राहणार देवरी,जिल्हा गोंदिया. असे आहे.

पोलिसांनी दिलेल्या माहितीनुसार,अरुणा शहारे ह्या देवरी वरून सायंकाळच्या सुमारास बोळदे येथील स्वगावी, विवाहाच्या स्वागत समारंभाला उपस्थित राहण्यासाठी टि.व्ही.एस. कंपनीची ज्युपीटर स्कूटी क्रमांक एमएच-३५, एवाय-२००२ ने नवेगावबांधच्या दिशेने येत होत्या.

कोहमारा-नवेगावबांध राज्य महामार्गावर नवेगावबांध पासून १ किलोमीटर अंतरावर कोहमाराच्या दिशेने जाणाऱ्या टाटा कंपनीचा ट्रेलर ट्रक क्रमांक- सीजी ०७, बीजी-७३०५ ने स्कुटीला दिलेल्या जबर धडकेत स्कुटीवर स्वार असणाऱ्या अंकुर व रितिका हे जागीच ठार झाले. तर अरुणा शहारे ह्या गंभीर रित्या जखमी झाल्या.

धडक एवढी जबर होती की मृतकांचे देह छिन्न-विच्छिन्न अवस्थेत रस्त्यावर पडली होती. तर गंभीर जखमी अरुणा ह्या स्कुटीत अडकलेल्या होत्या.सदर अपघात सायंकाळी ६.४५ वाजता झाला.

अपघाताला कारणीभूत ठरलेला ट्रक ड्रायव्हर घटनास्थळी न थांबता त्याने पोबारा केला.सदर ट्रकचा चालक हा मौजा परसोडी गावाजवळ ट्रक सोडुन पळुन गेल्याचे पोलीसांनी सांगीतले.

नवेगावबांध पोलिसांनी तत्परता दाखवत त्याचा पाठलाग करून परसोडी येथून ट्रेलर ताब्यात घेऊन पोलीस ठाण्यात जमा केला आहे.

सदर ट्रेलर ट्रक वेगात होते,मला ओव्हरटेक करून हे ट्रक गेले व त्यांनी समोरून येणाऱ्या स्कुटीला जबर धडक दिली.असे प्रत्यक्षदर्शी रोषन धनिराम झोळे राहणार पांढरवाणी (झोडेटोली) यांनी पोलीस ठाण्यात दिलेल्या तक्रारीत म्हटले आहे.अपघाताची माहिती मिळतात पोलीस तात्काळ घटनास्थळी पोहोचले.अरुणाला पोलीस गाडीतून ग्रामीण रुग्णालय नवेगावबांध येथे उपचारासाठी दाखल करण्यात आले.रोशन झोडे व अमोल कापगते यांनी मृतदेह ॲम्बुलन्स मध्ये टाकून शवविच्छेदनासाठी ग्रामीण रुग्णालय नवेगावबांध येथे आणण्यात आले.

अरुणा अतिशय अत्याअवस्था असल्यामुळे पुढील उपचारासाठी त्यांना शासकीय रुग्णालय गोंदियाला रवाना करण्यात आले.सध्या त्या गोंदिया येथील एका खाजगी दवाखान्यात उपचार घेत आहे.

या अपघातातील मृतक अंकुर शहारे हा देवरी येथील मनोहरभाई पटेल ज्युनिअर कॉलेजला इयत्ता १२ शिकत होता. मार्चमध्ये संपन्न झालेल्या बारावीची परीक्षा त्यांनी दिली होती.तर दुसरी मृतककु. रितिका जांभुळकर ही आपल्या मामीकडे देवरी येथे राहून मनोहरभाई पटेल विद्यालय देवरी येथील ४ थ्या वर्गात शिकत होती.

मृतक अंकुर हा गंभीर जखमी झालेल्या अरुणा शहारे यांचा एकुलता एक मुलगा होता.जखमी अरुणाचे पती बाबुराव मडावी विद्यालय देवरी येथे कार्यरत असताना कोरोना मध्ये त्यांचा दुर्दैवी मृत्यू झाला होता.त्यामुळे त्यांच्यावर दुःखाचे डोंगर कोसळले आहे.

येथील ग्रामीण रुग्णालयात आज रविवार दि.१२ एप्रिलला सकाळी १०.१५ च्या दरम्यान शवविच्छेदनानंतर प्रेत नातेवाईकांच्या ताब्यात देण्यात आले.

देवरी येथे स्थानिक मोक्षधामावर शोकाकुल वातावरणात मृतक अंकुर व रितिका यांच्यावर अंतिम संस्कार करण्यात आला.

अंकुर व रितिका यांच्या दुर्दैवी मृत्यूमुळे शहारे,जांभुळकर, कुटुंबियावर दुःखाचा डोंगर कोसळला असून देवरी,चारभाटा व बोळदे कवठा येथे हळहळ व्यक्त करण्यात येत आहे.

प्रत्यक्षदर्शी रोशन झोडे यांच्या तोंडी तक्रारीवरून नवेगावबांध पोलिसांनी अज्ञात वाहन चालक यांनी आपले ताब्यातील वाहन भरधाव वेगाने व निष्काळजी पणाने चालवुन सदर अपघाताला कारणीभूत ठरला.अपराध क्रमांक-९७/२०२६ कलम-१०६ (१),२८१,१२५(ब) भारतीय न्याय संहिता २०२३, सहकलम १८४,१३४(अ)(ब) मोटार वाहन कायदा.अन्वये फरार,अज्ञात वाहन चालका विरोधात नवेगावबांध पोलिसांनी गुन्हा दाखल करण्यात आला आहे.

सदर अपघाताचा नवेगावबांध पोलीस ठाण्याचे ठाणेदार अजित पाटील पुढील तपास करीत आहेत.फरार वाहन चालकाला लवकरच अटक करण्यात येईल.असे पोलिसांनी सांगितले.