माजी राज्यमंत्री व ड्रेगन पॅलेस निर्मात्या सुलेखाताई कुंभारे यांना मातृशोक

माजी राज्यमंत्री व ड्रेगन पॅलेस निर्मात्या सुलेखाताई कुंभारे यांना मातृशोक

*प्रतिनिधी रजत डेकाटे*

आंबेडकरी चळवळीतील नेते व पिपल्स रिपब्लिकन पार्टीचे राष्ट्रीय अध्यक्ष प्रा जोगेंद्र कवाडे सर यांच्या जेष्ठ भगिनी दिवंगत कर्मवीर दादासाहेब कुंभारे यांच्या अर्धांगिनी व राज्यमंत्री व ड्रेगन पॅलेस निर्मात्या सुलेखाताई कुंभारे यांच्या आई बौद्ध उपासिका नलिनीताई कुंभारे वय ८६ वर्षे यांचे वृद्धापकाळात अल्प आजाराने काल रात्री साडे नऊ वाजता नागपूरच्या खासगी रुग्णालयात दुःखद निधन झाले.

त्यांची अंत्ययात्रा कर्मवीर दादासाहेब कुंभारे परिसर स्थित ड्रेगन पॅलेस टेम्पल नजिकच्या सुलेखाताई कुंभारे यांच्या निवासस्थानातून निघून त्यांच्या पार्थिवावर दुपारी चार वाजता कन्हान नदीच्या मोक्षधाम घाटावर अंत्यसंस्कार करण्यात येणार आहे.

या दुःखद घटनेने सुलेखाताई कुंभारे यांच्या कुटुंबीयांसह संपूर्ण कामठी शहर तसेच आंबेडकरी चळवळीत शोककळा पसरली आहे ‌