शिक्षणसेवक/शिक्षक पदभरतीकरीता 22 सप्टेंबरपर्यंत मुदतवाढ

चंद्रपूर, दि. 18 : राज्यातील सर्व स्थानिक स्वराज्य संस्था व खाजगी व्यवस्थापनाच्या शाळांमध्ये पवित्र संगणकीय प्रणालीद्वारे शिक्षणसेवक/ शिक्षक पदभरतीसाठी शासनाने ‘शिक्षक अभियोग्यता व बुद्धिमत्ता चाचणी-2022’ हि परीक्षा दि. 22 फेब्रुवारी ते 3 मार्च 2023 या कालावधीत ऑनलाईन पद्धतीने घेण्यात आली होती.

चाचणी दिलेल्या उमेदवारांना दि. 1 ते 15 सप्टेंबर 2023 या कालावधीमध्ये स्व-प्रमाणपत्र पूर्ण करण्यासाठी पोर्टलवर सुविधा उपलब्ध करून देण्यात आली होती. परंतु, राज्यातील काही भागांमध्ये इंटरनेट सुविधा व्यवस्थितरित्या सुरू नसल्यामुळे तसेच दि. 14 सप्टेंबर रोजी पोर्टल स्व-प्रमाणपत्र पूर्ण झालेल्या उमेदवारांची संख्या विचारात घेता दिलेल्या मुदतीत पूर्ण होणार नाही, ही बाब विचारात घेऊन स्व-प्रमाणपत्र पूर्ण करण्यासाठी दि. 22 सप्टेंबर 2023 अखेरपर्यंत मुदतवाढ देण्यात आली आहे.

रोजगार मेळाव्यातून 95 महिला उमेदवारांची निवड

या चाचणीस एकूण 2 लक्ष 39 हजार 730 उमेदवारांनी नोंदणी केली होती. त्यापैकी, 2 लक्ष 16 हजार 443 उमेदवारांनी प्रत्यक्ष चाचणी दिली. प्रमाणीकरण करीत असतांना अथवा पोर्टल संदर्भात इतर कोणतीही शंका असल्यास किंवा अडचणी येत असल्यास edupavitra2022@gmail.com या ई-मेलवर आपला अर्ज पाठवावा. त्यावर यथाशीघ्र उत्तर देण्यात येईल. यासाठी कोणताही कर्मचारी, अधिकारी अथवा त्रयस्थ व्यक्तीशी संपर्क करू नये.

नमूद कालावधीत जे उमेदवार स्व-प्रमाणपत्र पूर्ण करणार नाही ते उमेदवार नव्याने होणाऱ्या शिक्षण सेवक/शिक्षक पदभरतीच्या पुढील प्रक्रियेसाठी पात्र ठरणार नाही. ‘शिक्षक अभियोग्यता व बुद्धिमत्ता चाचणी-2022’ ही चाचणी दिलेल्या उमेदवारांनी https://tait2022.mahateacherrecruitment.org.in या संकेतस्थळावर भेट देऊन 22 सप्टेंबर 2023 अखेरपर्यंत आपली कार्यवाही पूर्ण करावी, असे शिक्षण विभागाने कळविले आहे.

भावी शिक्षकांना चंद्रपूरच्या शिक्षक आमदार अडबाले यांनी दिली गोड बातमी

• odisha junior teacher recruitment 2023
  ssc constable executive recruitment 2023
  ossc regular teacher recruitment 2023
  additional rto recruitment 2023
  mpsc login