केंद्रीय मंत्री नितीन गडकरी यांच्या हस्ते “इवाना बाय जिंदाल” चे उद्घाटन

केंद्रीय मंत्री नितीन गडकरी यांच्या हस्ते “इवाना बाय जिंदाल” चे उद्घाटन

नागपुरात केलेल्या गुंतवणूक बाबत मानले आभार

नागपूर, दि. 11 (प्रतिनिधी ) : विविध क्षेत्रातील गुंतवणुकीनंतर आता नागपूर शहराला रत्न आणि दागिने क्षेत्रहि खुणावत असून उद्योजक जिंदाल यांनी मोठ्या प्रमाणात या क्षेत्रात गुंतवणूक केली आहे. याच पार्श्वभूमीवर सुरतस्थित इवाना बाय जिंदाल ब्रँडने नागपूरमध्ये आपले तिसरे फ्लॅगशिप स्टोअर सुरू केले आहे. याचे उद्घाटन केंद्रीय रस्ते वाहतूक आणि महामार्ग मंत्री श्री नितीन गडकरी यांच्या हस्ते करण्यात आले. उद्घाटन सोहळ्याला जिंदाल कुटुंब आणि विविध मान्यवर उपस्थित होते.

इवाना बाय जिंदालचे सह-संस्थापक सुषिल जिंदाल म्हणाले, “नागपूर हा उत्कृष्ट दागिन्यांचा वेगाने विकसित होणारा बाजार आहे, आणि आम्हाला येथे लक्झरीचा एक नवीन पैलू आणायचा आहे. उच्च दर्जाच्या आणि जबाबदारीने तयार करण्यात आलेल्या दागिन्यांची मागणी वाढत आहे, पण पर्याय मर्यादित आहेत. या स्टोअरच्या माध्यमातून आम्ही ग्राहकांना वारसा आणि नवोन्मेष यांचे उत्तम संमिश्रण उपलब्ध करून देणार आहोत.”

सह-संस्थापक आयुषी जिंदाल यांनी स्पष्ट केले, “दागिने हे अतिशय व्यक्तिगत असतात, आणि प्रत्येक दागिना गुणवत्तेचा आणि भावनांचा सार जपतो, हे सुनिश्चित करणे हे आमचे ध्येय आहे. नागपूर स्टोअरमध्ये ग्राहक चिरकाल टिकणाऱ्या डिझाइन्स पाहू शकतात, कला समजू शकतात, आणि दागिने वैयक्तिकरित्या डिझाइन करू शकतात. पारंपरिक किंवा आधुनिक कोणत्याही प्रकारचे दागिने निवडताना त्यांचा सौंदर्य आणि विश्वसनीयतेवर आत्मविश्वास असावा.”

१,५०० चौरस फूट क्षेत्रात विस्तारलेले हे नवीन स्टोअर प्रमाणित लॅब-ग्रोउन डायमंड्स आणि पोल्की दागिने सादर करत आहे. पारंपरिक आणि आधुनिक पद्धतींचे संतुलन साधत १५,००० ते १५,००,००० या विस्तृत किंमत श्रेणीत उपलब्ध असलेल्या दागिन्यांमुळे दररोजच्या वापरासाठी तसेच वैवाहिक दागिन्यांसाठी आकर्षक पर्याय ग्राहकांना उपलब्ध आहेत. सुरत आणि नोएडामधील यशस्वी स्टोअर्सनंतर, इवाना बाय जिंदालने भारतात आपले नेटवर्क विस्तारत नेण्याचा निर्धार केला आहे. नागपूर स्टोअर हे देशभरात शाश्वत दागिन्यांचा प्रसार करण्याच्या व्यापक रणनीतीचा एक भाग आहे, जिथे लॅब-ग्रोउन डायमंड्सबद्दल जागरूकता आणि मागणी वाढत आहे.