मेहा बुजरूक येथे दिवाळीत रंगली कबड्डी
चंद्रपूर, 14 नोव्हेंबर 2023: दिवाळी निमित्त मेहा बुजरूक येथे गावात भव्य कबड्डी स्पर्धेचे आयोजन करण्यात आले होते. या स्पर्धेत एकूण 9 संघांनी सहभाग घेतला. स्पर्धेचे उद्घाटन गावातील सरपंच रुपेश रामटेके आणि पोलीस पाटील लोमेश श्रीकोंडावार यांच्या हस्ते झाले. विजेत्या संघांना रोख रक्कम आणि ट्रॉफी देण्यात आली.
या स्पर्धेत गावातल्या तरुणांनी उत्साहात सहभाग घेतला. स्पर्धा अतिशय रोमांचक आणि उत्साहपूर्ण झाली. स्पर्धा पाहण्यासाठी गावातून मोठ्या संख्येने लोक उपस्थित होते.
या स्पर्धेमुळे गावात उत्साहाचे वातावरण निर्माण झाले. दिवाळीच्या सणाला आणखी एक रंग चढला. पुढच्या वर्षी पुन्हा चांगले नियोजन करून बाहेर गावातील संघ बोलावून स्पर्धा घेण्याची तयारी आहे.
Discussion about this post