चंद्रपुरात मणिपूर मधील घटनेचा महाविकास आघाडीच्या महिला संघटनांकडून निषेध आंदोलन

News34 mahavikas aghadi chandrapur

चंद्रपूर: मणिपूर येथे मागच्या चार महिन्यापासून हिंसाचार सुरू आहे. या हिंसाचारा मधेच 4 मे ला महिलांना नग्न करून त्यांची धिंड काढून त्यांच्यावर सामूहिक बलात्कार झाल्याची घटना समोर आली आहे. काल समाज माध्यमातून आणि खाजगी वाहिन्यांवर हा व्हिडिओ प्रसारित झाला. यातून ही माहिती समोर आली की, सदर घटना 4 मे ची आहे. पीडित महिलांनी पोलीस स्टेशन गाठून सदर घटनेची तक्रार दाखल केली. तरी सुद्धा मणिपूर सरकार कडून तत्काळ कोणतीही कारवाई झालेली नाही. Manipur violence

विधानसभा अधिवेशनात मणिपूरच्या घटनेवरून महिला आमदार संतापल्या

सदर घटना लोकशाही देशाला शरमेने मान खाली घालणारी आहे. त्यामुळे सदर घटनेची तात्काळ चौकशी होऊन आरोपींना कठोरात कठोर शिक्षा देण्यात यावी या मागणी साठी तसेच मणिपूर आणि केंद्र सरकारचा निषेध करण्यासाठी चंद्रपूर जिल्हा महिला काँग्रेस (ग्रामीण), चंद्रपूर राष्ट्रवादी काँग्रेस महिला आघाडी, शिवसेना (उध्दव बाळासाहेब ठाकरे महिला आघाडी) यांच्या संयुक्त विद्यमाने स्थानिक जिल्हाधिकारी कार्यालया समोर आंदोलन करण्यात आले. व जिल्हाधिकारी विनय गौडा(जी.सी.) यांना संयुक्त निवेदन देण्यात आले. मणिपूरातील त्या घटनेचा निषेध करीत चंद्रपुरातील संघटनांनी राष्ट्रपती यांना दिले निवेदन

मणिपूर मध्ये मागच्या चार महिन्यापासून हिंसाचार धुमसत आहे. पण पंतप्रधान आतापर्यंत यावर काहीही बोलले नाही काल महिलांवर झालेल्या सामूहिक बलात्काराची घटना उघडकीस आल्यावर केवळ ८६ सेकंद पंतप्रधान यावर बोलले. मणिपूर मध्ये देखील भाजप चे सरकार आहे पण तिथे भाजप चे मुख्यमंत्री बिरेन सिंग हिंसाचार रोखण्यात अयशस्वी झाले आहे. 12 घरफोडी 6 आरोपी, 41 लाखांचा मुद्देमाल, चंद्रपूर पोलिसांची कामगिरी

ज्या देशात महिलांना देवी मानले जाते त्या देशात महिलांची अशी नग्न धिंड काढल्या जात असेल तर नैतिकतेच्या आधारावर मुख्यमंत्री बीरेन सिंग यांनी तात्काळ राजीनामा द्यावा तसेच पंतप्रधान नरेंद्र मोदी यांनी संसदेत या संबंधी निवेदन द्यावे अशी मागणी महाविकास आघाडीच्या संघटनेच्या महिला अध्यक्षांनी केली. महिला काँग्रेस च्या जिल्हाध्यक्ष नम्रता आचार्य-ठेमस्कर, चंद्रपूर राष्ट्रवादी काँग्रेस महिला आघाडीच्या जिल्हाध्यक्ष बेबीताई उईके, शिवसेना (उद्धव बाळासाहेब ठाकरे) च्या महिला जिल्हा संघटक उज्वला नलगे यांच्या नेतृवात हे आंदोलन करण्यात आले. कोयता गॅंग नंतर आली शटर गॅंग

या आंदोलनला चंद्रपूर महिला काँग्रेस च्या तालुका अध्यक्ष शितल कातकर, उपाध्यक्ष लता बारापात्रे, उपाध्यक्ष मुन्नी मुमताज शेख, उपाध्यक्ष वाणी डारला, महासचिव मीनाक्षी गुजरकर, सचिव माला माणिकपुरी, राष्ट्रवादी काँग्रेस च्या विधानसभा अध्यक्ष शुभांगी साठे,तालुका अध्यक्ष वनिता माऊलीकर, जिल्हा प्रसिद्धी प्रमुख पूजा शेरकी, जिल्हा सचिव निर्मला नरवाडे, सचिव सरस्वती गावंडे, शिवसेना महिला आघाडीच्या शहर अध्यक्ष वर्षा कोठेकर, शिवदूत निलिमा शिरे, कुसुम उदार, किरण वानखेडे, श्रुती कांबळे, मेहेक सय्यद, वैशाली जोशी, मंगला शिवरकर, सोनाली चंडुके, रजनी उईके, सुनीता मडावी, सुरेखा ठाकरे, पपिता गोहणे, साधना चांदेकर, चंद्रपूर सोशल मीडियाचे अध्यक्ष मुन्ना तावाडे, नरेंद्र डोंगरे, प्रकाश देशभ्रतार यांच्या सह महाविकास आघाडीच्या महिला पदाधिकारी उपस्थित होते.