विश्वरत्न डॉ बाबासाहेब आंबेडकर

बाबासाहेब आंबेडकर
दीनदुबळ्यांचा राजा खरा
लढले झटले दीनांसाठी
वाहे ज्ञानसागराचा झरा

वाली अस्पृश्यतेचा महान
बोधीतत्व केला अंगिकार
राजकारणी विचारातून
उठली लेखणी तलवार

अर्थशास्त्राचा संपूर्ण ज्ञान
मिळाली डॉक्टरेट पदवी
हक्क न्यायाच्या शिकवणीत
एक धर्म जागला मानवी

दीपस्तंभ अथांग ज्ञानाचा
न्याय ,मुलभूत अधिकार
वाट दाखवी प्रगतशील
क्रांतीकारी विशाल विचार

होते अथांग ज्ञानाची ज्योत
संघर्षाची ज्वलंत मशाल
दीनदुबळ्यांचे ते कैवारी
बाबासाहेब बनले ढाल

महापरिनिर्वाण दिनाला
डॉ.भिमरावांचे गुणगान
क्रांती पेटवून समाजात
जगाया शिकवी ताठ मान

थोर समाजसुधारक एक
गेला जगाला आज सोडूनी
महापरिनिर्वाण दिन हा
वंदू तयास कर जोडूनी

*हर्षा भुरे, भंडारा*
*************************