*अभंग*
आषाढीची वारी
वैकुंठाचा नाथ | सावळा श्रीहरी || उभा भिमातिरी I I पंढरीत ||१||
राम कृष्ण हरी | येता जाता बोले || पायी पायी चाले | भक्तजन ||२||
डोईवर वृंदा | हाती घेती टाळ || गळा शोभे माळ | तुळशीची ||३||
चढे भक्ती रंग | वारकरी संग || विठू नाम दंग | होऊनिया ||४||
आषाढीची वारी | संतांचा सोहळा || भेट घेण्या गळा | येई भक्त ||५||
मनी दाटे हर्ष | आनंदी आनंद || देखणा मुकुंद | चोहीकडे ||६||
आशीर्वाद तुझा | पाठीशी असावा || मिळावा विसावा | चरणाशी ||७||
सुखी ठेव देवा | विठ्ठल केशवा || भक्तिरंग हवा | आम्हां भक्ता ||८||
धन्य झाली हर्षा | नाम तुझे घेता || कृपा करी आता |पांडुरंगा ||९||
*हर्षा भुरे, भंडारा*
Discussion about this post